My Blog is My World

မှိုင်းညို့မှောင် မန္တလေးကို ဘယ်လိုရောက်သွားတာလဲဆိုတော့ ...မန္တလေးကို ရထားစီးပြီးတော့ ပြန်မဆင်းတတ်တော့လို့။ ငယ်ငယ်လေးတုန်းက သူငယ်ချင်းတွေနဲ့  ရပ်ကွက်ထဲမှာ ထမင်းလျှောက်စားတာ ဇလုံကြီးတွေနဲ။၊ ထမင်းစားပြီးတော့ ပြန်လာတဲ့အခါကျတော့ အမေ့ကို ပန်းကန်ကြီး ချ ပေးပြီး လျှောက်သွားမယ်ဆိုပြီးတော့ သွားကြတာ။ ရပ်ကွက်ထဲကို သွားကြတဲ့အခါကနေ ပြီးတော့ ငါတို့ ရထားကြီး သွားစီးကြရအောင်ဆိုပြီးတော့ ကလေးတွေကို ပြောတယ်။ ရထားပေါ်လည်း ရောက်ရော ...နောက်ဆုံးကျတော့ ကလေးတွေက ဘယ်အချိန် ဆင်း သွားမှန်းမသိဘူး။ သမီးတစ်ယောက်တည်း ကျန်ခဲ့တာ။ အဲဒါနဲ့ ရထားနဲ့ပါသွားတာ။

မှုန်ပြာရီ (က) ၁၄ နှစ်သမီးကတည်းက ကော်စရှူတာ။ ကော်ရှူရတာက ရှိုက်ရှူလိုက်တဲ့အချိန် မှာ အဆုတ်က ဘယ်လိုဖြစ်လဲဆိုတော့ အသက်ရှူရတာ ကျပ်သွားတာ။ ချုပ်ထားသလို ဖြစ်သွားတာ။ ကော်ရှူရင် သူက အနံ့ကို ရှူလိုက်တော့ စိတ်ထဲမှာ ကြောင်သွားတာပေါ့။ ကိုယ် အလုပ်လုပ်ရမှန်းတော့ သိတာပေါ့။ ကိုယ် ဘယ်နေရာ သွားရမလဲ၊ ဘယ်နေရာ နေရမလဲ၊ ကိုယ့်ရဲ့ နောက်ရေးတွေကို မသိတော့ဘူး။ ဘာလို့ ရှူတာလဲဆိုတော့ ဒီ ရှူဖန်များလာတော့ စိတ်ထဲက ရှူချင်စိတ်တွေ ပေါက်လာတာ။ ဖြတ်နိုင်တယ်။ ဖြတ်ချင်တယ်။ ဖြတ်ဖူးတယ်။ ကော်ဖြတ်တာနဲ့ ကော် ရှူတာနဲ့ဆိုရင် ကော်ဖြတ်တာက ကောင်းတယ်။ ကော်ဖြတ်တာက ဘယ်လိုကောင်းလဲ ဆိုရင် အသားအရေလည်း ဝလာတယ်။ ကိုယ့်ရဲ့ ကျန်းမာရေးလည်း ကောင်းလာတယ်။ ကော်ရှူတော့ကျတော့ ကိုယ့်ရဲ့ အသားအရေတွေလည်း ထိခိုက်တယ်။ အခုကတော့ ရှူ တယ်။ ဒါပေမဲ့ မရှူတာဆိုလို့ ဒီနေ့ နှစ်ရက်ပဲ ရှိသေးတယ်။

ယခင်အစိုးရတွေက ဘာကိုမှ သေသေချာချာ တာဝန်ယူမထားသော ကလေးများ ရှိသည်။ လက်ဖက်ရည်ဆိုင်များ ထမင်းဆိုင်များတွင် မျက်လုံးထဲမှာ ရွှင်ပျမှုအရည်မဲ့ကာ တောင့်တင်းခြေလှမ်းများနှင့် ကလေးများသည် ဒုနှင့်ဒေး။ မိဘက ပထွေးက မိထွေးက ဦးလေးက အဒေါ်က ဘုန်းကြီးက ဆရာက ရိုက်နှက်ခြင်းစသည့်အကြောင်းအမျိုးမျိုးဖြင့် လမ်းပေါ်ရောက်လာကာ နေပူကျက်ကျက်ထဲ၊ မိုးရေစက်လက်ထဲ၊ အေးခဲမှုထဲ၊ မျက်လုံးရောင်ခြောက်ခြောက်ဝင်းဝင်း၊ လက်ထဲမှာလည်း ဆေးလိပ်၊ ကွမ်း၊ အရက်ပုလင်း၊ ကော်ဗူး၊ လက်နက်တစုံတရာနှင့် လမ်းဘေးမှာပင် ကျင်လည်နေသည့် ကလေးတွေ တော်တော်များများကြီးကို ရှိသည်။ အလုပ်ရုံ၊ လမ်းဘေးဆိုင်လေးများ၊ ဈေး၊ ကားဂိတ်၊ ဘူတာ၊ သဘောင်္ဆိပ်၊ တပ်၊ ကလေးထောင်၊ လူကြီးထောင်၊ အချုပ်ခန်းနှင့် ပြည့်တန်ဆာခေါင်းများလက်ထဲမှာလည်း ကလေးတွေ ကလေးမလေးတွေ များစွာ။