ထွက်ငွေတွေကို ဘယ်လိုငြင်းမလဲ
ဝင်ငွေထက် ထွက်ငွေများနေတဲ့သူကို ဆင်းရဲသားလို့ခေါ်ပြီး ၀င်ငွေထက် ထွက်ငွေနည်းတဲ့သူကို ချမ်းသာသူလို့ ခေါ်လေ့ရှိပါတယ်။ တစ်နည်းအားဖြင့် မိမိရဲ့ ၀င်ငွေကိုလည်း သိမယ်၊ ထွက်ငွေကိုလည်း စိစစ်နိုင်ရမယ်။ အဲဒီလူဟာ အရည်အချင်းရှိတဲ့သူဖြစ်ပြီး လစဉ်လတိုင်း ထွက်ငွေဟာ ၀င်ငွေထက်များနေပြီဆိုရင်တော့ လူညံ့ သို့မဟုတ် အရည်အချင်းမရှိသူလို့ ယေဘုယျအားဖြင့် သတ်မှတ်နိုင်ပါတယ်။ ဒီနေရာမှာ ထွက်ငွေဆိုကလည်း နှစ်မျိုး ရှိပြန်ပါတယ်။ ငြင်းဆန်နိုင်သော ထွက်ငွေနဲ့ မငြင်းဆန်နိုင်သော ထွက်ငွေပေါ့။ အစားအသောက်၊ အ၀တ်အစား၊ အလှအပပစ္စည်း စတာတွေနဲ့ပတ်သတ်တဲ့ ကုန်ကျစရိတ်တွေကို ငြင်းဆန်နိုင်သော ထွက်ငွေလို့ သတ်မှတ်လို့ရပါတယ်။ ဘာကြောင့်လဲဆိုတော့ ကိုယ့်စိတ်ကို ချုပ်တီးနိုင်ရင် ချုပ်တီးနိုင်သလောက် အဲဒါတွေနဲ့ပတ်သတ်ပြီး ငွေမထွက်ဘဲနေအောင် တားဆီးလို့ရပါတယ်။